搜索
当前位置: 主页 > 民谣 >

外婆嘅民谣

gecimao 发表于 2019-03-09 01:18 | 查看: | 回复:

  其实外婆喺我未读小学时就过世啦,不过外婆嘅民谣却喺我记忆中烙下不灭嘅印记。我谂,民间民谣虽然有粗俗成分,但系就好有生气及有琅琅上口易记嘅特点。内容方面则爱憎分明,同情弱者,惩恶扬善。可能就系因为噉,我而家仲记得呢个故事及民谣。

  外婆系旧式下层女人,冇文化,晚年因欠缺医疗条件,白内障或青光眼得唔到治疗,最终搞到睇唔到嘢。喺佢眼盲咗嗰几年,行动缓慢,只能成日系屋企咪咪摸摸,凭记忆做啲家务事。佢唔识字,但系就善于讲民间传说或童话故事,故事中经常夹杂啲下层民谣。

  其中有个故事讲一个心肠狠毒嘅妇人,买咗一个年纪唔到12岁嘅婢女做佣人,成日以糟质个婢女为乐。睇到嗰婢女稍为得闲,就谂计整蛊作难佢。有一次妇人故意将一大堆芝麻同绿豆搅成一堆,限时要个婢女将两样嘢分开,否则就要打一身仲唔畀饭食。婢女用手工一粒一粒噉拣,拣到头昏脑涨,但系就半日都冇乜成果。眼睇住太阳要落山啦,婢女心急到泪流满面。呢个时候,突然一个以前从来都未见过嘅女人行过,口中念念有词:“笨西西,笨西西,芝麻绿豆用筛筛!笨西西,笨西西,芝麻绿豆用筛筛!

  正在苦恼中嘅婢女本来好绝望,突然醒起传嚟嗰句话嘅意思——— 系啵,用个筛嚟筛选就得啦。

  于是婢女借咗隔篱屋一个竹篾织成嘅筛,将啲混合喺一齐嘅芝麻绿豆倒喺筛上面,然后左右移动个筛,一阵间,芝麻就全部筛落下面嘅报纸上,绿豆则全部留在个筛上,完成全部分拣任务,芝麻归芝麻绿豆归绿豆。毒妇返到嚟一睇,谂唔到妹仔用咁短嘅时间就搞掂,冇声出。于是又生一计,要求婢女将屋企嗰个穿咗嗰窿嘅水缸装满水,否则又要畀打一身,当然又会唔畀饭食。

  第二日,婢女一早就对住个穿窿水缸发愁,去村口个井担一担水返嚟,倒落去嗰水缸,冇几耐就漏嗮。眼见就天黑,心谂呢次一定要受罪嘞。佢谂唔到嗰事头婆点解要咁害自己。呢个时候,琴日嗰把声音又出现啦。只见嗰个女人突然就出现喺门口不远处,并一路行一路念,行到门口时,仲将头转向呢个可怜嘅婢女,重新念咗一次:“笨七七,笨七七,水缸漏,烂布塞!笨七七,笨七七,水缸漏,烂布塞!

  呢次婢女一下就听明啦,即刻揾咗一张破旧嘅烂布,卷成一团,将嗰窿塞实,然后去担水倒落水缸,等到毒妇返到屋企时,睇见水缸装满水,想发作都冇理由喇。

  其实外婆喺我未读小学时就过世啦,不过外婆嘅民谣却喺我记忆中烙下不灭嘅印记。我谂,民间民谣虽然有粗俗成分,但系就好有生气及有琅琅上口易记嘅特点。内容方面则爱憎分明,同情弱者,惩恶扬善。可能就系因为噉,我而家仲记得呢个故事及民谣。

本文链接:http://rbbts.com/minyao/93.html
随机为您推荐歌词

联系我们 | 关于我们 | 网友投稿 | 版权声明 | 广告服务 | 站点统计 | 网站地图

版权声明:本站资源均来自互联网,如果侵犯了您的权益请与我们联系,我们将在24小时内删除。

Copyright @ 2012-2013 织梦猫 版权所有  Powered by Dedecms 5.7
渝ICP备10013703号  

回顶部